Borensbergsmarknad
Nu honkar de förberedelser som gäller. Nästa kurko honkar de kinnepa, vorsnus mala Sonja o Jonny avar ninna o an divus kammar miro tjillit androm o kinnat nevroa garner to balet pre manuchet. Nii honkar de rada te manga to devlarna te vorsnos fushjar shukkert vättjan o bahi me loverna.
Kammat lattjot sass Romano, så juras vorsnos pre kinnepat dre Borensberg :)
